Alþýðulýðveldið Kína

15 daga ferð til Peking, Xian, Xiamen, Shanghai – Suzhou

26.okt. – 10. nóv 2019

Peking: Það er  einstök upplifun að standa á Torgi hins himneska friðar andspænis gömlu keisarahöllinni, en Forboðna borgin er stórkostlegur minnisvarði um hið mikla keisaraveldi og er á heimsminjaskrá UNESCO. Árrisulir eiga þess einnig kost að heimsækja grafhýsi Mao Tse Tung.  Farin verður dagsferð á Kínamúrinn og á leiðinni komið við í Sumarhöllinn, sem einnig er á heimsminjaskrá UNESCO.  Þess verður sérstaklega gætt að tími gefist til að heimsækja Silk Street eða silkimarkaðinn, þar sem reynir á listina að „prútta“, Peking- önd verða líka allir að njóta sem heimsækja höfuðborgina og  að slaka á og njóta fótanudds að kvöldi dags – að hætti innfæddra.

ian: Það verður far með hraðlest til þessarar fyrrum höfuðborgar Kína, þar sem m.a. gefur  að líta einn merkasta fornleifafund 20. aldarinnar;  The Army of Terracotta Warriors“;  þúsundir  ævafornra leirhermanna sem gættu grafhýsis fyrsta keisara Kína, 221-210 f.k. , hesta þeirra og vagna.

Xiamen: Borgin hét áður Amoy eða „borg garðanna“ sem sannanlega er réttnefni þar sem fjöldi fallegra lystigarða eru meðal helstu einkenna hennar.   Frá Xiamen verður m.a. farin   þægileg dagsferð „upp í sveit“  og til   Tianluokeng, þorps  í Nanjing „sýslu“ til að skoða hringhúsin, byggingarstíl sem er einstakur á heimsvísu  og oftast kenndur við   Hakka þjóðarbrot svo ogverður siglt út í hina sögufrægu eyju Gulang Yu.

Shanghai: Síðasti viðkomustaður ferðarinnar er oft kölluð París Asíu. Hún er viðskiptahöfuðborg landsins og nýtískuleg háhýsi gnæfa þar yfir í tugatali.  Meðal annars verður farið upp í hinn 421 m háa Jinmao turn, hæstu byggingu Shanghai þaðan sem útsýni er yfir alla borgina,  farið í dýragarðinn  og pöndurnar þar  heimsóttar,  í Yu Yu garðinn, silkiverksmiðju og Jade Buddha Temple og/eða við förum sem leið liggur til hinnar sögufrægu Suzhou borgar.

ATH.  Beinir þátttakendur í „China International Import Expo“ 5. – 10. nóv. munu  ekki eiga kost á  Shanghai skoðunarferðum nema að takmörkuðu leyti.  

Innifalið:

Flug frá Reykjavík til Peking og heim frá Shanghai, allt innanlandsflug og lest frá Peking til Xian, skoðunarferðir með innlendum leiðsögumanni, gisting á 4* eða 5* hótelum með morgunverði og hádegisverði eða kvöldverði 27. – 4. nóv., allur aðgangseyrir og íslenskur fararstjóri, sem auk annars aðstoðar við undirbúning ferðarinnar, veitir upplýsingar um vegabréfsáritanir, bólusetningar og annað sem að undirbúningi hennar lýtur.

Lágmarksfjöldi í hóp er 20 manns. – Hámarksfjöldi 30 manns.

Verð  kr. 550.000*

* á mann miðað við tvíbýli

* 143.000 kr. viðbótarkostnaður vegna einbýlis

Nánari upplýsingar

í síma 518 5400

eða sendið tölvupóst til

info@icelandeuropetravel.com

Sendið okkur tölvupóst

4 + 7 =

Get some news from Iceland

Join our mailing list and get some news from the north and some great offers from us

You have Successfully Subscribed!

Pin It on Pinterest

Share This